Velkominn á heimsíðu lærakeyra.is
Jóhann Hilmar Haraldsson, ökukennari:
Ég er staðsettur á Höfn í Hornafirði en starfa talsvert með nemendum að Djúpavogi til austurs og að Kirkjubæjarklaustri til vesturs. Hafðu samband og við finnum lausnir.
Ég kenni á sjálfskiptan og beinskiptan bíl og býð upp á:
Kennslu í B-réttindum:
Eru almenn ökuréttindi og nemandi getur byrjað námið á 16 ára afmælinu.
​​​​​
Akstursmat / Fullnaðarskírteini:
Er hluti af B-réttinda ferlinu. Til þess að ökumaður fái fullnaðarskírteini, eftir að hafa fengið bráðabirgðaskírteini, þarf viðkomandi að hafa verið punktalaus í 12 mánuði. Þá getur nemandi haft samband við ökukennara, klárað akstursmat og því næst sótt um fullnaðarskírteini.
​
Kennslu í BE-réttindum / Kerrupróf:
Þeir sem tóku almenn ökuréttindi fyrir 15.ágúst 1997, fengu B og BE réttindi í sitt ökuskírteini. Þeir sem tóku almenn ökuréttindi eftir 15.ágúst 1997, fengu einungis B réttindi. Árið 1997 var 1980 árgangurinn að fá bílpróf og er það sturluð staðreynd að sumir í þeim árgangi fengu BE réttindi og aðrir ekki. ​Til þess að öðlast BE réttindi, þarft þú að sækja fjóra verklega tíma hjá ökukennara, taka munnlegt og verklegt próf.
Ráðgjöf eða fræðslu í umferðarmálum:
Þetta gæti hentað öllum skólastigum, fyrirtækjum og sveitarfélögum. Fræðslan og eða ráðgjöfin gæti verið í formi fyrirlestra, verklegrar fræðslu og æfinga. Einnig úttekt svæða er varðar umferðamerkingar og - öryggi, ásamt því að koma með tillögur að úrbótum. ​
​​​
